Përfunduan shtatë takimet e Kategorisë së Parë për raundin e 12 të këtij kampionati. Bylisi nuk mundi që të merrte fitore ndaj Tërbunit, duke e mbyllur këtë raund me barazimin 0-0.
E kundërta ka ndodhur me Erzenin që po i afrohet akoma më shumë me pikë ballshiotëve pas fitores me rezultatin 4-1 ndaj Lushnjës. Golat për shijakasit i realizuan Xhabrahimi në minutën e 4, Raboshta në minutën e 13, goli i tretë për Erzenin erdhi si dhuratë nga Bani në minutën e 43, i cili bëri autogol te porta e Lushnjës, ndërsa Beci shënoi golin e katërt për ta në minutën e 67. I vetmi gol në favor të Lushnjës u realizua nga Da Silva në minutën e 79.
Apolonia fitoi te stadiumi “Loni Papuçiu” me rezultatin 3-2 kundër Korabit, dhe goklat u realizuan nga Zogaj në minutën e 58, Krasniqi në minutën e 86 dhe Shanaj në minutën e 90, teksa për dibranët realizuan Mziu në minutën e 62 dhe Joti vetëm 2 minuta më pas.
Shkumbini dhe Pogradeci u ndanë në paqe me barazimin 1-1 falë golave të Sulkjës për vendasit dhe Shytit për miqtë.
E njëjta shifër u arrit edhe në sfidën Maliqi-Turbina, për vendasit realizoi Qelesahi në minutën e 54, ndërsa te miqtë shënoi Kamelo në minutën e 85 të ndeshjes.
Tomori ka fitoi me rezultatin 1-0 në shtëpi ndaj Besëlidhjes dhe goli që i dha 3 pikët vendasve u realizua nga Manellari në minutën e 7.
Ndeshja e fundit, ajo midis Butrintit dhe Besës përfundoi po me shifrat 1-0 dhe autor i golit ishte Buxhelaj, që realizoi në minutën e 38-ë.
E vetmja ndeshje pa u luajtur është ajo midis Vorës dhe Burrelit që është planifikuar të zhvillohet të dielën në orën 13:30./K.T/Gijotina.com
Discussion about this post