Kategoria e Parë/ Vora humb kundër Pogradecit, Pollozhani debuton me barazim te Flamurtari

Janë zhvilluar këtë të diel, 6 ndeshjet e javës së 30-të të Kategorisë së Parë, teksa kanë mbetur edhe tre javë nga fundi i kampionatit.

Vora e vendit të parë ka humbur me rezultatin 1-0 përballë Pogradecit në transfertë. Golin e vetëm të sfidës e shënoi Pius, që në fraksionin e parë të lojës.

Nga humbja e Vorës, nuk ka përfituar dot Flamurtari i vendit të dytë, pasi nuk ka shkuar dot më shumë se një barazim 0-0 përballë Burrelit në transfertë. Në këtë duel, për vlonjatët debutoi në stol Artim Pollozhani. Duket se gara për titullin kampion mes dy skuadrave do vijojë deri sa ta lejojë matematika.

Një fitore bindëse ka marrë Apolonia në Fier përballë Korabit, duke e mposhtur me rezultatin 3-0. Golat për fierakët mbajnë firmën e Ndubuisi, i cili realizoi dobietë, teksa rrugën e rrjetës e gjeti edhe Robin.

Besa ka fituar me rezultatin 2-0 përballë Erezanit, ndërsa Lushnja ka mposhtuar me rezultatin e thellë 4-1 Valbonën. Të dy ekipet humbëse janë të rrëzuara nga kategoria edhe matematikisht. Në ndeshjen tjetër, Kastrioti ka mundur me rezultatin 2-0 Kukësin.

Tre javët në vijim do tregojnë se cila mes Pogradecit, Apolonisë, Lushnjës, Kastriotit apo Korabit do jenë në play-off, teksa Kukësi e ka humbur këtë shans dhe do garojë për të mbijetuar.

REZULTATET

BESA – ERZENI 2-0

51′ Nonato (P), 93′ Bedzrah

BURRELI – FLAMURTARI 0-0

POGRADECI – VORA 1-0
20′ Pius

LUSHNJA – VALBONA 4-1
2′,9′ Kaçanolli, 4′ Canka, 70′ Ibrahim/ 88′ Taka

KASTRIOTI – KUKËSI 2-0

53′ Musaj, 73′ Hoxha (P)

APOLONIA – KORABI 3-0

52′, 60′ Ndubuisi, 65′ Robin

RENDITJA