Java e 19-të e Superiores do të mbyllet me dy duele që luhen në orën 13:30 dhe 17:00.
Laçi dhe Erzeni janë me pikë të barabarta dhe të dyja do të kërkojnë fitoren sot për ta nisur vitin ashtu si duhet.
Nga ana tjetër Vllaznia do të presë Kukësin.
Kuqeblutë duan të bëjnë “poker” fitoresh, duke marrë të katërtën radhazi pas atyre kundër Dinamos, Tiranës dhe Skënderbeut. Skuadra e Qatip Osmanit po kalonte një formë të shkëlqyer përpara se kampionati të ndërpritej për 20 ditë. Gjithsesi, të dielën shkodranët do të kërkojë sërish triumfin e radhës ndaj një skuadre si Kukësi, që i mundi minimalisht në fazën e dytë, ndërsa në fazën e parë, Vllaznia fitoi 3-1.
Shkodranët duan 3 pikët për t’u afruar më shumë vendit të 3-të dhe verilindorët për t’u ngjitur në renditje.
Discussion about this post