Kukësi i dha ditën e hënë dorën e fundit përgatitjeve në kuadër të ndeshjes që do të ketë sot me Vllazninë në Shkodër në orën 16:00. Në kampin verilindor kërkojnë patjetër një rezultat pozitiv, që do t’i mundësonte të mos humbin ritmin e ndeshjeve të fundit dhe t’i largoheshin sadopak fundit të klasifikimit.
Për momentin, në kampin blu ka optimizëm, duke lënë pas atë periudhë të errët, kur edhe ekipi preku vendin e fundit. Gjithsesi, rreziku është ende evident, ndaj në klub kërkojnë të mbajnë me këmbë në tokë skuadrën dhe të kërkojnë vazhdimësinë.
Sa i përket kësaj sfide, trajneri Hallaçi është në “hall” për të përzgjedhur titullarët, ku ka luksin të bëjë përzgjedhje për shkak mbipopullimi, por edhe i stresuar për mungesën e sulmuesit Gabriel Barbosa për shkak kartonësh.
Trajneri kuksian ende nuk e ka tëqartë se kë do të aktivizojë në takimin ndaj vllaznisë për sa i përket portierit. Ka një balotazh mes Angelo Tafas dhe Betim Halimit me këtë të fundit që ka bërë paraqitje të mira në ndeshjet e fundit si zëvëndësues i të dëmtuarit Tafas. Në repartin e avancuar, pritet të luajë titullar kolumbiani Martinez ose futbollisti nga Kosova Rashiti. Në mbrojtje, nuk ka dyshime, me Hallaçin që pritet të aktivizojë, Ndrecën, Bytyçin, Lamçen dhe Ebert. Mesfusha ka gjasa t’i besohet vëllezërve Taipi, Mbarak, kroatit Basha dhe afrikanit Ovusu.
Discussion about this post