Katër astronautë amatorë kanë fluturuar mbrëmjen e djeshme nga Florida, për misionin e tyre privat rreth orbitës së tokës. Anija kozmike e SpaceX u shkëput nga qendra hapësinore Kennedy, në Florida, me ekuipazhin e “Inspiration4”, një milioner dhe tre qytetarë të thjeshtë.
Mediat e huaja shkruajnë se katërshja do të kalojë tre ditët në vazhdim në hapësirë, duke u rrotulluar rreth tokës në një lartësi prej 575km. Gjatë këtyre tre ditëve kapsula “Dragon”, e cila ofron pamje spektakolare të planetit tonë për turistët hapësinorë, do të rrotullohet rreth tokës 15 herë në ditë.
Fluturimi drejtohet nga miliarderi Jared Isaacman, i cili është i treti që niset drejt hapësirës këtë vit, pas miliarderëve Richard Branson dhe Jeff Bezos. Bashkë me Isaacman janë edhe tre fituesit e “lotarisë hapësinore” Chris Sembroski, Sian Proctor dhe Hayley Arceeaux, një e mbijetuar e kancerit të kockave.
Më 20 korrik, miliarderi Jeff Bezos, së bashku me të vëllain dhe dy persona të tjerë, udhëtuan në hapësirë për rreth 2-3 minuta me raketën tip “New Shepard” të kompanisë së tij “Blue Origin” që merret me turizmin hapësinor.
