Një 63-vjeçare shqiptare e cila jeton në ishullin grek të Santorinit ka rënë pre e mashtrimit nga katër shtetas bullgarë, të cilët kanë mundur t’i marrin 98,500 euro.
Policia lokale ka përdorur pamjet nga kamerat e zonës për të identifikuar dhe lokalizuar mashtruesit, duke përfshirë dy gra, të cilët u kapën në qendër të qytetit Fira. Kur janë arrestuar policia ka gjetur paratë qe i përkisnin 63-vjeçares.
Katër bullgarët u dërguan në Prokurorinë e Naxosit dhe u akuzuan për organizim kriminal dhe mashtrim në bashkëpunim.
Mashtrimi filloi kur shqiptarja mori një telefonatë nga një grua e panjohur që pretendonte të ishte punonjëse policie, duke kërkuar një shumë të madhe parash për të shmangur pasojat ligjore për djalin e saj që shkaktoi një aksident automobilistik ku ka plagosur rëndë një fëmijë të mitur.
Gruaja ndoqi udhëzimet e saj dhe i vendosi paratë në një kosh plehrash.
Por pasi e kuptoi mashtrimin, 63-vjeçarja ka bërë denoncimin në polici dhe më pas autoritetet identifikuan autorët përmes kamerave të sigurisë. Po ashtu uniformat blu gjetën edhe shumën e parave që i kishin marrë shqiptares.
Discussion about this post