Një 37- vjeçar shqiptar ka çuditur me deklaratën e tij sot para gjykatës belge, pasi akuzohet për trafik narkotikësh. Ai rrezikon 34 muaj burg, pasi autoritet belge i gjetën katër çanta të mbushura me 40 pako kokainë, sasia totale e së cilës shkonte në 46 kilogramë. Luis G., i ka zbuluar detaje të operacionit, duke u thënë autoriteteve se ishin premtuar 10 mijë euro shpërblim, por që nuk është pjesë e ndonjë bande trafikantësh. Megjithatë, ai nuk ka thënë detaje as për personin i cili në momentin e arrestimit të tij nuk është mundur të kapet nga policia pasi është arratisur, dhe as për personin të cilit do t’i shitej droga.
Avokati i 37-vjeçarit u shpreh se klienti i tij ishte treguar i hapur me drejtësinë, pasi gjithçka ka nisur në formë basti për ditëlindjen. Ai ka treguar se Luis donte të bënte një festë të çmendur për përvjetor.
“Klienti im ka bërë rrëfimet e plota. Ditëlindja e tij ishte disa ditë pas arrestimit dhe ai donte të bënte një festë të çmendur ditëlindjeje. Në realitet, ai nuk ka marrë ende asnjë cent. Vetë G. pranoi të martën se kishte bërë një ‘gabim të madh’”, tha avokati Jonathan Bogaerts.
Discussion about this post