Historia e saj dhe synimi për të ndihmuar fëmijët nëse fitone çmimin e madh e ka bërë Arjola Demirin një nga banoret më të komentuara të shtëpisë së “Big Brother VIP Albania”.
Mirëpo, së fundmi, nëpër portale kanë qarkulluar lajme se ajo e ka humbur kujdestarinë mbi tre fëmijët e saj për shkak se ka qëndruar katër muaj brenda shtëpisë më të famshme në Shqipëri. Thuhej se ish-partneri i saj e ka shfrytëzuar këtë mungesë të saj për të marrë kujdesin ndaj fëmijëve.
Megjithatë, këto lajme janë hedhur poshtë nga shoqja e Arjolës, Eva Vatoci, e cila punon në Gjykatën e Tropojës.
Vatoci është shprehur se ky rast është pjesë e Gjykatës së Apelit në Tiranë dhe nuk është zhvilluar asnjë seancë lidhur me kujdestarinë e fëmijëve të Arjolës deri më tani.
“Nuk ka asgjë të vërtetë, sepse, Gjykata e Apelit Tiranë, ka të regjistruar çështjen për “Caktimin e Kujdestarisë Prindërore” për Arjola Demirin dhe palën tjetër, por nuk ka zhvilluar akoma seancë gjyqësore”, u shpreh ajo.
Discussion about this post