Mediat greke raportojnë se një përleshje e përgjakshme ka ndodhur pasditen e së enjtes (27/7) në Mesaria të Santorinit, si pasojë e së cilës një 34-vjeçar nga Shqipëria ka përfunduar me plagë të rënda në spital.
Sipas informacioneve të protothema.gr, për një arsye ende të panjohura, katër persona nga Shqipëria së bashku me një 23-vjeçar grek kanë sulmuar egërsisht 34-vjeçarin shqiptar dhe e kanë lënë të gjakosur në tokë.
Nga hetimet paraprake rezultoi se dy prej autorëve e kanë goditur me shkop druri, ndërsa të tjerët e kanë goditur me grushte dhe shkelma, duke i shkaktuar dëmtime të rrezikshme fizike.
I plagosuri u transferua në spital ndërsa policia ka vijuar arrestimet e “protagonistëve” të episodit.
Discussion about this post