Një aksident tragjik iu ka marrë jetën katër shqiptarëve, nënës dhe 3 fëmijëve në Itali. Sipas mediave italiane, makina me të cilën udhëtonte 22-vjeçarja shqiptare dhe bashkëshorti i saj është përplasur me një shtëpi të braktisur në rrugën Via Emilia midis Cade dhe Villa Gaida, dhe për pasojë ka humbur jetën e reja dhe 3 fëmijët që ndodheshin në mjet.
Mediat kanë zbardhur dhe emrat e viktimave që kanë humbur jetën nga aksidenti i tmerrshëm, të cilët janë 22-vjeçarja Shane Hyseni, djali i saj 2-vjeçar Mattias Hyseni si dhe motra dhe vëllai i saj, 8-vjeçarja Rejana Hyseni dhe 11-vjeçari Resat Hyseni.
Ndërkohë, shoferi i automjetit, bashkëshorti i Shane Hysenit, mbeti i plagosur rëndë dhe momentalisht ndodhet në terapi intensive.
Drejtuesi i makinës tip “Fiat Stilo”, ishte nisur në drejtim të Sant’Ilario, kur humbi kontrollin dhe doli nga rruga dhe u përplas me një shtëpi. Policia po heton shkaqet e aksidentit, por sipas të dhënave paraprake mësohet se makina ishte duke lëvizur me shpejtësi.
Discussion about this post