“Kë do zgjidhje për të nënshkruar te Al Nassr?”, Ronaldo i jep përgjigje origjinale gazetarit

Ronaldo ishte heroi i Portugalisë në ndeshjen e mbrëmshme kundër Islandës.  Sulmuesi i Al Nassr shënoi golin e vetëm të ndeshjes dhe para fillimit të lojës u shpërblye nga përfaqësuesit e rekordeve botërore ‘Guinness’ për 200 ndeshjet e zhvilluara me kombëtaren e vendit të tij.

Para ndeshjes në Islandë, Cristiano Ronaldo doli në konferencën për shtyp dhe një gazetar e pyeti drejtpërdrejt: “Nëse do të duhej të zgjidhnit ndonjë lojtar në botë për të nënshkruar me Al Nassr, kë do të zgjidhnit?”.

Ronaldo, i transferuar në klub nga Arabia Saudite në fillim të këtij viti, e ka shmangur një përgjigje konkrete për pyetjen dhe ka preferuar të bëjë shaka: “Ti! Unë të zgjedh ty! Ti ngrite dorën, ndaj unë të zgjedh ty”, ishte përgjigja e futbollistit për gazetarin.

https://youtu.be/4O9hDl35ItQ