Me anë të një reagimi zyrtar, Partia Demokratike ka reaguar pas deklaratave të ish-kryeministrit Sali Berisha për incidentin e ndodhur ditën e sotme në selinë blu. PD thotë se Berisha e ka humbur etikën e komunikimit teksa i bën thirrje shoqërisë shqiptare që të ndahet nga politika e vjetër.
Sipas selisë blu, demokratët e kanë bërë zgjedhjen e tyre, dhe ata zgjedhin të ardhmen.
“Fyerjet dhe shpifjet ndaj zëdhënëses së PD janë dëshmi e qartë e mungesës se argumenteve dhe etikës së komunikimit të Sali Berishës. Mënyrë komunikimi që e shfaqin shpesh dhe një pjesë e pakicës që e mbështesin. Shoqëria shqiptare duhet të ndahet përfundimisht nga politika e vjetër, nga gjuha e urrejtjes dhe e linçimit. Demokratët e kanë bërë zgjedhjen e tyre, ata zgjedhin të ardhmen!” – thuhet në reagimin e Partisë Demokratike.
Kujtojmë se Berisha është akuzuar se është përgjegjës për incidentin ku u përfshinë disa gra simpatizante në selinë e PD. Sipas PD-së, Berisha po tenton të heqë vëmendjen nga afera e inceneratorëve duke sjellë këto situata.
Për këtë reagoi edhe Sali Berisha, ku deklaroi se ai ka qenë i pari që ka denoncuar aferat e tilla, dhe se situata ku u përfshi Evi Kokalari, Albana Vokshit dhe disa simpatizantëve të PD-së nuk ka lidhje me heqjen e vëmendjes.
Discussion about this post