Moderatorja nga Kosova Egzona i jep fund rrugëtimit te saj nga shtëpia e Big Brother Vip. Megjithatë, pas daljes së saj janë hedhur akuza se hyrja e saj në shtëpi ka qënë e qëllimtë për të ndihmuar Donaldin. Ishte opinionisti Arber Hajdari ai i cili ngriti kete akuze gjate mbrëmjes se djeshme duke u shprehur se : “Mendoj se ka hyrë në Big Brother si një dashamirëse e Donaldit sepse e ka parë lojën nga jashtë. Nuk e di se çfarë ka dashur të thotë autori për kafen përjashta që kanë lënë për të pirë sepse më është dukur si një mesazh për t’i thënë se jam në krahun tënd. Shpesh i ka thënë se ti bërtet, rri i qetë.”
Menjëherë pas kësaj akuze Egzona i kundërpërgjigjet duke i thënë: “Unë në Big Brother kam hyrë me misionin e vetëm për një eksperiencë që e kam pasur ëndërr prej edicionit të parë. Kam qenë fanse e këtij formati, kam shfrytëzuar dhe kam thënë po për arsyet e mia personale dhe aspak për t’i dhënë mesazhe Donaldit. Më vjen keq që është interpretuar si e tillë kjo eksperiencë, nuk kisha pasur qejf me u mbajtur mend si e tillë por e respektoj mendimin e Arbërit.”
Discussion about this post