Arilena Ara për një periudhë të gjatë nuk ishte shumë aktive me prodhime të reja muzikore, megjithatë para pak kohësh me anë të një postimi në Instagram, këngëtarja bukuroshe lajmëroi se do të rikthehet. Jo vetëm me një këngë, por këngëtarja e hitit “Nëntori” është duke sjellë për dëgjuesit e muzikës së saj një album. Arilena, gjithashtu zbuloi disa detaje nga albumi që është duke u lançuar.
Ky album për Arilenën është shumë i veçantë, pasi këngëtarja ka shprehur se përfaqëson një pjesë të saj. Deri më tani është lançuar kënga e saj solo “Aligator” dhe bashkëpunimi me Dafinën “Thirre policinë”.
Së fundmi, Arilena paralajmëroi dhe projektin e radhës që duket se do të jetë një këngë dashurie. Me anë të një postimi në Instagram, vetë këngëtarja e ka bërë këtë me dije duke shkruar:
“Ke me mungu” nga “Pop Art” albumi, vjen së shpejti
Siç e dimë, Arilena Ara, është përfolur shpesh nëpër mediat rozë për lidhjet që mund të ketë pasur, duke përfshirë këtu menaxherin e saj, Popi Kola dhe Flori Mumajesin. Mos ndoshta kjo këngë ju dedikohet njërit prej tyre?
Arilena, edhe pse ka zbuluar titullin e këngës, ajo ende nuk ka treguar një datë publikimi, duke na lënë kështu në pritje të detajeve të tjera.
