KED merr vendim, refuzohet kandidatura e Elsa Mihës

Këshilli i Emërimeve në Drejtësi, KED ka refuzuar kandidaturën e Elsa Mihës për të qenë gjyqtare në gjykatën e Lartë.

Pasi zhvilloi një mbledhje, KED në fund vendosi: Mospranimin e shqyrtimit të kërkesës së znj. Elsa Miha për rishikimin e vendimit nr. 65, datë 22.12.2022 të Këshillit të Emërimeve në Drejtësi, për vlerësimin dhe pikëzimin e kësaj kandidate, për vendin vakant për gjyqtar në Gjykatën Kushtetuese, të shpallur nga Gjykata e Lartë.

Njoftimi:

Këshilli i Emërimeve në Drejtësi (KED), me pjesëmarrjen e anëtarëve të tij të përhershëm dhe atyre zëvendësues, të Avokatit të Popullit, si edhe përfaqësuesve nga subjektet e ftuara sipas pikës 2 të nenit 233 të ligjit nr. 115/2016, zhvilloi ditën e premte, datë 20 janar 2023, mbledhjen e tij të radhës, sipas rendit të ditës së njoftuar në datë 18 janar 2023.

Sikurse ishte parashikuar, KED diskutoi në lidhje me kërkesën e paraqitur nga kandidatja për një vend vakant për gjyqtar në Gjykatën Kushtetuese Zj. Elsa Miha, për rishikimin e Vendimit nr. 65 datë 22.12.2022 të Këshillit të Emërimeve në Drejtësi.

Në përfundim të mbledhjes, KED vendosi: Mospranimin e shqyrtimit të kërkesës së znj. Elsa Miha për rishikimin e vendimit nr. 65, datë 22.12.2022 të Këshillit të Emërimeve në Drejtësi, për vlerësimin dhe pikëzimin e kësaj kandidate, për vendin vakant për gjyqtar në Gjykatën Kushtetuese, të shpallur nga Gjykata e Lartë.