Tani është zyrtare, Giorgio Chiellini do të vijojë të luajë dhe veshë fanellën e Juventusit edhe për dy sezone të tjera.
Siç ishte lajmëruar nga mediet italiane gjatë ditës së sotme, kapiteni ka rinovuar kontratën me bardhezinjtë deri në 2023.
Qendërmbrojtësi i njohur italian është pjesë e Juventusit prej vitit 2005 dhe gjatë këtyre viteve ka fituar plot 20 trofe.
36-vjeçari ëndërron triumfin në Champions League me klubin italian dhe pjesëmarrjen me Italinë në Botërorin Katar 2022.
Chiellini, i cili mban shiritin e kapitenit edhe tek ekipi i drejtuar nga Roberto Mancini, udhëhoqi kombëtaren e kaltër drejt fitimit të Euro 2020.
