Deputeti i PD, Belind Këlliçi, kamarrë pjesë në homazhet që organizoi Ish-kryeministri, Sali Berisha, pranë shtatores së Heroit të Demokracisë, Azem Hajdarit. Gjatë fjalës së tij Këlliçi tha se të rinjtë e PD janë edhe themeli i Partisë Demokratike, duke thënë se mbështetja e tyre do ta kthejë PD-në në vendin që i takon. Mes të tjerash ai tha se, 11 dhjetori do të jetë ditëlindja e dytë e PD.
“Një nga tiparet që i ka munguar këto vite PD, kanë qenë takimet emocionale. Ky është takimi im i 6-të që unë kam marrë pjesë, por është ndër takimet me emocionuese dhe të bukura. Gjej rastin të falënderoj të gjithë ata studentë që sot jetojnë dhe punojnë, por që fatkeqësisht nuk e realizuan dot idealin e Shqipërisë si e gjithë Europa. Falënderoj edhe studentet që janë këtu, sepse vijojnë të ndjekin të njëjtën ëndërr. Kjo prezencë tregon se PD po ringrihet. 11 dhjetori do shënojë ditëlindjen e dytë të PD”, u shpreh ai, ndërsa shtoi se PD-ja e forcuar do të jetë në mbështetje të të rinjve.
Discussion about this post