Belind Këlliçi, një nga kandidatët e primareve të PD për Tiranën, deklaron se nëse dot zgjidhet krybashkiak i kryeqytetit në zgjedhjet e 14 majit, do të padiste kryetarin e Bashkisë Erion Veliaj dhe zyrtarë të tjerë.
Këlliçi tha në emisionin “Opinion”, se dikush duhet të mbajë përgjegjësi për ndërtime pa leje që janë bërë në kryeqytet.
“Nëse unë zgjidhem kryetar i Bashkisë Tiranë në 14 Maj, do të kallëzoj personalisht ato zyrtarë duke nisur nga Erion Veliaj i pari e deri tek zyrtari më i fundit që kanë shkelur ligjin”,-tha Këlliçi.
Belind Këlliçi: Kemi parë me mijëra qytetarë që janë proceduar dhe kanë shkuar dhe në burg se kanë ndërtuar pa leje tjegullat e çatisë apo pllakat e banjos. Si mundet që Policia Bashkiake në Tiranë çdo ditë iu troket qytetarëve që brenda mund të kenë punime në shtëpitë e tyre dhe përballë zyrës së kryebashkiakut ndërtohet një kullë me 7 kate pa leje?
Blendi Fevziu: Kjo është skandal.
Belind Këlliçi: Dikush duhet të mbajë përgjegjësi për të. Nëse unë zgjidhem kryetar i Bashkisë Tiranë në 14 Maj, ju garantoj që me të patur mundësinë që të kem akses në dokumentet zyrtare të bashkisë do të kallëzoj personalisht, në cilësonë e kryetarit të bashkisë të gjithë ato zyrtarë duke nisur nga Erion Veliaj i pari e deri tek zyrtari më i fundit, ata që kanë shkelur ligjin. Duhet bërë transparencë për qytetarët. Kjo kulturë duhet marrë fund njëherë e mirë sepse nuk është normale. Kemi pastaj pallate 9 kate që në mënyrë të mistershme që qenkan ndërtuar pa leje.
Discussion about this post