Belind Këlliçi, ish-deputet i Partisë Demokratike dhe anëtar i kryesisë së kësaj force politike, deklaroi sot se ka fituar gjyqin ndaj dy drejtorëve të Bashkisë së Tiranës, të cilës i cilësoi si hajdutë kryesorë në këtë institucion.
Reagimi
Sot Gjykata Penale e Tiranës rrëzoi pseudo-padinë e një prej hajdutëve kryesorë në Bashkinë Tiranë, famozit Mariglen Qato, i cili nuk erdhi asnjëherë për t’u përballur në sallën e gjyqit edhe pse më kishte paditur ai.
Ky shtetas njihet si një ndër drejtorët më të korruptuar në këto 30 vite në bashkinë e kryeqytetit dhe një ndër aktorët dhe përfituesit kryesorë të vjedhjes nëpërmjet kompanisë së famshme 5D të 5 drejtoreve që Erion Veliaj strehon në Bashkinë e Tiranës.
Nëse me këto padi të montuara politikisht, këta individë mendojnë se do e stepin opozitën, u them hapur se e kanë shumë gabim.
Sot sapo firmosa këtë kërkesë për informacion, drejtuar z. Altin Dumani, si drejtues i SPAK, për t’i kërkuar informacion mbi stadin ku ndodhet kallëzimi penal që unë kam firmosur për kompaninë 5D, plot 7 muaj më parë.
Ndërkohë vetëm dy ditë më parë, Gjykata Civile e Tiranës rrëzoi gjithashtu një tjetër padi për shpifje ndaj meje, të një drejtori të dëshpëruar rilindas, i quajtur Fatmir Çibaku, të cilin e kisha denoncuar gjatë fushatës zgjedhore të vitit 2021, në zonën e ish Kombinatit.
Discussion about this post