Evi Kokalari ka bërë akuza të njëpasnjëshme për deputetin demokrat Belind Këlliçi.
Ky i fundit në një prononcim për moderatoren Elisa Gjerani në emisionin “Breaking” ka thënë se nuk ka kohë për të humbur me politikën e vjetër të llumit që vjen përtej oqeanit.
Teksa moderatorja Gjerani e ka pyetur se përse e sulmon Kokalari, deputeti demokrat është përgjigjur: Nuk kam asnjë sekondë kohë për të humbur me baltë, shpifje dhe politikën e vjetër të llumit që vjen kësaj radhe përtej oqeanit. Kam bërë një padi në gjykatë për këtë çështje. Zonja në fjalë të vijë dhe të faktojë qoftë dhe një akuzë të vetme në lidhje me ato që më ka akuzuar. Fokusin dhe energjinë time e kam te qytetarët, e kam te protesta e 7 korrikut, dhe më interesojnë vetëm qytetarët, votuesit e mi, dhe mbi të gjitha Forumi Rinor i Partisë Demokratike për të cilin unë ende jam përgjegjës pasi jam kryetar në detyrë, dhe sigurisht përgjegjësinë dhe llogaridhënien e kam te ata.
Moderatorja Gjerani: Zoti Këlliçi e ka prishur gjithë kjo atmosferë e zonjës Kokali për ju marrëdhënien tuaj me zoti Berisha?
Këlliçi: Nuk ka asnjë ndikim. Me zoti Berishën gjithmonë kam patur një komunikim, një marrëdhënie tejet korrekte, shumë pozitive shumë të frytshme dhe sigurisht vijon të jetë e tillë për sa kohë jemi në të njëjtën agjendë politike.
Discussion about this post