Drejtuesi politik i PD për qarkun e Tiranës, Belind Këlliçi, ka reaguar me tone të forta ndaj kryeministrit Edi Rama në një postim në Facebook. Këlliçi ironizoi daljen publike të Ramës, duke thënë se më në fund Rama ka parë në sy një gazetar.
Ai theksoi se Rama duhet të dalë në një konferencë të vërtetë shtypi dhe të përballet me pyetje reale. Këlliçi e akuzoi kryeministrin se nuk ka program dhe se vazhdon të përsërisë premtime të pambajtura që nga viti 2013. Ai theksoi se Rama refuzon debatet me rivalin politik dhe kopjon idetë e opozitës. Në fund, Këlliçi paralajmëroi se më 11 maj qytetarët do t’i “çertifikojnë falimentimin” me votë.
Postimi:
Ky është një hap i parë optimist dhe e përgëzojmë. Edhe urithi në pranverë e lë vrimën dimërore.
Shpresojmë që kjo dalje nga vrima, të bëhet e plotë. Të dalë në një konferencë me gazetarët dhe të pranojë pyetjet e tyre, jo vetëm ato që porosit Fuga.
Më pas, të fillojë të flasë për programin, se deri tani ka nxjerrë nga goja zvarranikët e ndërgjegjes së vet dhe kënetën që ka në zemër.
Vetëm një si Edi Rama, mbi grumbullin e pushtetit të bërë pleh për 12 vjet, mund ta quajë opozitën “kënetë”.
Vetëm Edi Rama flet për mrrokulla, por jo për rekordin qeverisës në tre mandate.
Vetëm Edi Rama mund të jetë i vetmi KM në Europë që nuk bën debat me rivalin politik.
Programi i tij i vetëm është përsëritja e atyre që ka ofruar më 2013, pra që NUK i ka realizuar dhe kopjimi i Sali Berishës.
Berisha premtoi minimum jetik dhe Rama tha: nuk bëhet, se falimentojmë!
Berisha ofroi pension minimal, 200 euro: Rama tha sërish se “falimentojmë”!
I paturp siç është del e përsërit kundërshtarin: kam edhe unë pension 200 euro!
Rama ka të drejtë në një gjë: Ai është i falimentuar.
Sherifi që ai e quan ‘turist’ e ka një mesazh për të sonte!
Më 11 maj, demokratë e socialistë, me votë do t’ia çertifikojnë falimentin!
Discussion about this post