Anëtari i Kryesisë së Partisë Demokratike, Belind Këlliçi tha në studion e MCN Live se pse Veliaj është zgjedhur që te jetë pjesë e treshes së drejtuesve politikë në Tiranë është që nëse bie ai, ka dy të korruptuar të tjerë që do “kujdesen” për zgjedhjet.
“Arsyeja pse Erion Veliaj është vënë aty në atë treshe është që nëse bie ai, që do të bjerë shumë shpejt ka dhe dy të tjerë që kujdesen së bashku me korbën e Covid, personit përgjegjës për numrin lartë të vdekjeve gjatë periudhës Covid 19, Ogerta Manastirliu, dhe sigurisht personi që sot mban peshën e madhe jo vetëm të shpopullimit së bashku me kryeministrit dhe mbylljen e 259 shkollave. Kemi 10% më pak nxënës. Ky është bilanci politik që kam përballë”, tha Këlliçi.
Lidhur me listën e kandidatëve për deputetë nga PD për zgjedhjet e ardhshme parlamentare ai u shpreh se do i nënshtrohet procesit të primareve duke shtuar se pjesë do të jenë dhe përfaqësues nga diaspora.
“1/3 do të jenë zonja dhe të mos harroni që do të ketë risi. Do të ketë kandidatë edhe nga Diaspora edhe nga bota e artit, dhe opozitarë të spikatur ndër vite që do të jenë pjesë e listave”, tha Këlliçi.
Discussion about this post