Deputetët e Partisë Demokratike të cilët janë përjashtuar nga seanca plenare, kanë kërkuar shfuqizimin e këtij vendimi pranë Byrosë së Kuvendit të Shqipërisë, duke thënë se është marrë në shkelje të kushtetutës.
Në këtë kërkesë për ankimim, të firmosur nga Flamur Noka, Edi Paloka dhe Belind Këlliçi, kërkohet shfuqizimi i menjëhershëm i vendimit, ndërsa thuhet se deputetët e PD të cilët janë përjashtuar, nuk kanë thyer asnjë rregullore dhe se duhet të futen në Kuvend deri sa të mblidhet Konferenca për ta shqyrtuar. Kërkesa po ashtu i është dërguar edhe Gardës.
“Nuk e di ca do të ketë. Sikurse e shihni janë trupat e gardës që po bëjnë luftë me deputetët a thua se çfarë po bëjmë. Sikur po i shkojmë Ramës në Surres, se dhe atje do të shkojmë .
Në këtë shkresë thuhet se kemi ankimuar vendimin e Komisionit të Etikës dhe shkruhet e zeza në të bardhë ky ankimim i bërë nga deputetët, vendimi pezullohet deri në marrjen e vendimit nga Byroja.
Byroja nuk është mbledhur. Kemi njoftuar sekretarin e përgjithshëm të Kuvendit, kemi njoftuar Gardën e Republikës, gjithë këta djemtë që i kanë vënë te dera për të bllokuar deputetët. Në momentin që të mblidhet Byroja të na njoftohet e të marrim një vendim. Tani që ne flasim vendimi i djeshëm i Etikës është pezulluar. Nuk e di se çfarë tjetër duhet të bëjmë.
Unë jam pezulluar për herë të 2 në seancë pa folur. Është çmenduri e Ramës dhe Nikollës. Unë e kuptoj që McGonigal e ka tërbuar kryeministrin. Nuk do e pengojë këtë çështje se nuk hynë 4 deputetë,” tha ai.
Discussion about this post