Këlliçi: Kur do e thërrasë SPAK, Erion Veliajn për 128 mln euro

Projekti i inceneratorit të Tiranës, sipas dosjes së SPAK për ish-zv.Kryeministrin Arben Ahmetaj, ka qenë një nismë e Erion Veliajt, Kryebashkiakut të Tiranës.

Madje në dosje thuhet se projekti i Veliajt fillimisht është kundërshtuar nga ministrat e Financave, Shkjëlqim Canid he Arben Ahmetaj. Gjithashtu SPAK konkludon se pas projektit qëndrojnë sërisht Klodian Zoto dhe Mirel Mërtiri.

Nisur nga kjo situatë, ish-deputeti Belind Këlliçi, i cili ka qenë anëtar i Komisionit Hetimor parlamentar për aferën e inceneratorëve, ka publikuar në rrjetet sociale dokumentin që mban firmën e Veliajt. Këlliçi pyet SPAK se kur do e thërrasë Veliajn, i cili i hapi rrugën vjedhjes së 128 mln eurove.

“Kur do thërritet Erion Veliaj në SPAK për firmën që ka hedhur për inceneratorin e Tiranës, ku i ka hapur rrugën vjedhjes së 128 milionë eurove? Kur do e nisë SPAK procesin ndaj inceneratorit të Tiranës?” shkruan Këlliçi.