Kandidati i opozitës për kryetar në Bashkinë e Tiranës, Belind Këlliçi, ka vijuar takimet me qytetarët dhe bizneset në lagje e rrugë të ndryshme të kryeqytetit.
Këtë fundjavë Belind Këlliçi u ndal në zonën e ‘Tregut Ushqimor’, ku dëgjoi nga afër ankesat dhe problemet me të cilat po përballet biznesi i vogël në kryeqytet. Shumë treguan se po mbajnë hapur qepenat, por nuk po shesin asgjë, për shkak të shpopullimit, rënis së konsumit dhe varfërisë.
“Mos pyet për punë, ja po e sheh vete, e shtunë sot. Sot kam shitur një palë këpucë gjithë ditën dhe jetoj me të. Kemi dhënë boll për atë, unë me thënë të drejtën kam dhënë boll për atë dhe nuk më ka bërë asnjë gjë. Suksese, ti je për këtë popull, se këta të tjerët janë mashtrusa. Edhe e shtuna e diela është bërë një lloj, se normal, presim të shtunë e të diel. Të gjithë tregtarët ankohen”, u shpreh një tregtar.
Shqetësimeve të biznesit, Belind Këlliçi iu pëgjigj duke prezantuar paketën e uljes së taksave dhe tarifave vendore, të cilat do të jenë ndihmë për biznesin, për të cilat u shpreh se janë të realizueshme.
“Po mirë a e kuptojnë që duhet ndryshuar kjo gjë? Nuk mund të ankohen pafundësisht dhe të mos ndërrosh gjë. Më janë turrur mua se kam bërë premtimin për autobusat pa lekë: këtu nuk përfiton njeri, kjo nuk i interson kurrkujt, etj etj! Ndërkohë që njerëzit janë për buk goje. Tregu këtu është gjithë ditën nuk ka njeri këtu me çfarë po pyes, edhe ata që janë nuk kanë lekë. Bëhen, janë me këmbë në tokë, dhe janë të realizueshme”-u shpreh Këlliçi.
Takimet e Belind Këlliçit me qytetarët, vijuan edhe përgjatë rrugës së Kavajës.
Duke shtrënguar duart me dhjetra qytetarë, Belind Këlliçi dëgjoi nga afër shqetësimet e tyre, që lidhen kryesisht me problemet në infrastrukturë dhe asfaltin elektoral.
Gjatë ecjes e takimeve Belind Këlliçi degjoi një qytetar, i cili denoncoi sesi Erion Veliaj ka dhënë një leje ndërtimi për një pallat, i cili po ndërtohet vetëm disa centimetra larg themeleve të banesës së qytetarit, ndërsa ai pretendon edhe se ndërtuesi i ka marrë pronën.
Këlliçi iu bashkua irritimit të tyre, duke u shprehur se e vetmja zgjidhje për të mos lejuar të tilla probleme, është largimi i Erion Veliajt nga drejtimi i bashkisë së Tiranës në 14 maj.
“Me këta që janë nuk ke ça, po si zhduke. Hiqi, nuk ke çfarë bën. Ty të ka rënë hall, ti ke hall të madh prandaj je kaq i mërzitur, të kuptoj shumë mirë, por ky shtet na ka rënë. Po çfarë 6 metra, kjo është çmenduri’-tha Këlliçi.
Gjatë bashkëbisedimit me banorët, Këlliçi kërkoi mbështetjen e tyre, që në 14 maj të votojnë për të larguar me votë Erion Veliajn nga drejtimi i Tiranës, për të sjellë një model te ri në qeverisjen vendore dhe për t`i hapur rrugë ndryshimit në kryeqytet.
Discussion about this post