Drejtuesi politik i Partisë Demokratike për Tiranën, Belind Këlliçi, në një dalje të fundit televizive komentoi mbi Primaret e mbajtura fundjavën që lamë pas nga PD-ja. Këlliçi theksoi se procesi ishte i suksesshëm dhe se Primaret nxorën në pah të rinjtë e PD-së që kryesuan listat.
Ndër të tjera, Këlliçi shtoi se në PD, deputetet i zgjedh anëtarësia, ndërsa te PS-ja deputetët zgjidhen nga bandat.
“Po marr Tiranën pasi jam drejtues Qarku në Tiranë. Ku dominojnë, figurat e reja, dominojnë të rinjtë. Boll kemi dëgjuar. Sa u bënë, 4 vitë që zoti Berisha ka marrë frenat e PD sërish në duar pas rikthimit të tij në 2021, pas zgjedhjes së tij në kuvendin histirk të PD, kemi dëgjuar gjatë gjithë kohës që në PD nuk ka të rinj, në PD nuk ka profesionistë, në PD mbyllen dyert për të rinjtë, apo PD-në e kanë marrë peng të vjetrit etj…E gjitha kjo një propagandë e sponsorizuar nga e majta, e sponsorizuar nga Edi Rama, e sponsorizuar nga mediat që paguhen me paratë e inceneratorit të Tiranës siç janë mediat e Bollinos që vetëm shpifin dhe baltosin opozitën.
Dhe mbi të gjithë përgjigja ka ardhur dje. Janë të rinjtë që kryesojnë në Tiranë dhe kudo në Shqipëri, dhe po të shikosh emrat e parë që akne marrë vota në Tiranë, keni faktorë lokale dhe kombëtarë. Keni mjeke, sipërmarrës, vajza të reja. Është një mesazh shume i mirë për mua në Tiranë që një vajzë e re Loranca Hoxha është kandidate me mbështetjen masive që ka marrë në bashkinë e Rrogozhinës.
Ke qëndrestarë. Ke zonjën Kalaja, që e kanë linçuar mediat e majta. Ke zonjën Hajdarmataj, Zhulali, Çupi. Ke Muçollarin. Ke figura nga më të ndryshmet që janë votuar. PD ka hapur dyert dhe vota numërohet. Ka qenë një proces që është zhvilluar me kamera. Një proces transparent dhe që secili që ka ndonjë pikëpyetje mund të verifikojë gjithçka.
Për mua si Belind është se 13 mijë kanë votuar të shtunën dhe janë votëbesuar të rinj. Janë figura që bëjnë diferencën kolosale me grupin e strukturuar kriminal që sot quhet Partia Socialiste.
PD ka hapur dyert, vota numërohet dhe nuk ka lëvizur. I gjithë procesi është regjistruar, kush ka hatërmbetje le të kontrollojë përsëri kutitë. Deputetet e PD-së i zgjedh anëtarësia, në PS i zgjedhin bandat”, tha Këlliçi.
Discussion about this post