Deputeti i Partisë Demokratike dhe anëtari i Komisionit të Rithemelimit, Belind Këlliçi, në një postim në facebook, ka shpërndarë disa foto nga takimi që organizoi ish-Sekretarit të Shtetit, Mike Pompeo. Këlliçi shkruan se ishte privilegj që mori pjesë në takimin e ish-Sekretarit të Shtetit me Organizatën Muxhahedine të Popullit të Iranit, e vendosur në kampin Ashraf 3 në Manzë. Ai thotë se ndihet krenar që PD në qeverisje u mundësoi një strehë të sigurt, duke shfaqur vlerat më të larta të mikpritjes shqiptare
“Pata privilegjin të isha pjesë e takimit të ish Sekretarit të Shtetit Mike Pompeo me Organizatën Muxhahedine të Popullit të Iranit, e vendosur në kampin Ashraf 3 në Manzë. Ish të burgosurit politikë iranianë u bujtën në vendin tonë në vitin 2013, gjatë qeverisjes së Partisë Demokratike. Prej vitit 1979 janë përndjekur e masakruar nga regjimit teokratik i mullahëve ndërsa sot rezistenca e tyre i jep shpresë popullit të Iranit. U njoha nga afër me vuajtjet e tyre me vizitën në muzeun e torturave. Jam krenar që PD në qeverisje u mundësoi një strehë të sigurt, duke shfaqur vlerat më të larta të mikpritjes shqiptare” – shkruan Këllici në facebook.
Kujtojmë se vizita e Pompeos, në Tiranë shkaktoi jo pak reagime, pasi përveç se u takua me opozitën iraniane, ai zhvilloi takime edhe faktorë politikë në vend. Ish-Sekretarit të Shtetit, i cili është i cili është një figurë e lartë e Republikanëve në SHBA, u takua me kryeministrin Rama, ndërsa nga opozita Pompeo u takua me Alibeajn, Tabakun dhe Bardhin, duke anashkaluar Berishën. Ky veprim në media u trajtua si një përgënjeshtrim të fjalëve të Berishës i cili shprehet se me ardhjen e Republikanëve në pushtet, SHBA do të heq “non gratën” e tij.
Discussion about this post