Deputeti i Partisë Demokratike, Belind Këlliçi ka bërë me dije se janë bërë 3 kallëzime në SPAK e nuk është marrë asnjë përgjigje. Këtu bëhet fjalë për inceneratorët, të cilët janë afera më e madhe në vend, për të cilën akuzohen rilindasit, madje drejtpërdrejt Edi Rama.
Sipas Këlliçit nuk është dhënë asnjë lekë për njerëzit në nevojë apo studentët. Shkeljet në inceneratorë janë të mëdha e këtu është përfshirë kryeministri dhe zv/kryeministri i cili pak kohë më parë pati një përplasje me Klodian Zoton.
“Nuk kanë lënë asnjë cent për inceneratorët, ndërsa nuk kanë dhënë para për studentët apo shtresat në nevojë. Ne kemi pasur sot në komisioni hetimor një debat 3 orë dhe nuk ka pasur asnjë media, përpos medias tuaja. Ne kemi treguar me fakte dhe prova se çfarë shkelje janë bërë në inceneratorët e Elbasanit, Fierit dhe Tiranës. Ne mendojmë se kryeministri është i përfshirë drejtpërdrejt në këtë aferë dhe zv. Kryeministri që para pak kohësh pati një aksident me pronarin e inceneratorëve, zoton. Po ashtu përfshihet kryebetonierja e Tiranës, Erion Veliaj , i cili ka bërë një çudi: ka firmosur i vetëm për inceneratorin e Tiranës për gjithë qarkun Tiranë” tha demokrati.
Ndër të tjera deputeti pohon se në 30 vite vlera e inceneratorit të Tiranës shkon 430 mln euro. Gjithashtu inceneratorët kanë një censurë të plotë në media.
“Ne kemi bërë 3 kallëzime në SPAK për këtë çështje dhe nuk kemi asnjë reagim se çfarë po ndodh me to. Ne kemi prova në mënyrë rrethanore dhe nga institucionet. Duket se deputetët dhe gazetarët kanë bërë një punë shumë më të madhe se prokurorët e SPAK-ut. Inceneratorët kanë një censurë të plotë në media. Vetëm në Tiranë vlera e inceneratorit për 30 vite shkon në 430 milionë euro dhe sot që janë dikur te 33 milionë euro pagesa, plehrat mbulohet dhe shkojnë në landfillin e Sharrës. Incenerator nuk ka dhe i është bllokuar leja mjedisore. Këtu po bëhet një grabitje”, shtoi ai.
Discussion about this post