Anëtar i Komisionit të Rithemelimit dhe deputeti, Belind Këlliçi, duke iu drejtuar Lulzim Bashës, i kërkon të heqë dorë nga lojërat dhe marifetet. Në një postim në Facebook, Këlliçi shkruan se Basha po dredhon live para kamerave, duke i rënë nga Kina.
“Kolegu ynë Lulzim! Ke dy ditë që dredhon live para kamerave. Selia e PD ndodhet në qendër të Tiranës, prandaj mos i bjer nga Kina! I vetmi moment që bashkove demokratët ishte për dorëheqjen tënde, e cila është fakt i kryer pasi Kuvendi Kombëtar të ka shkarkuar nga funksioni më 11 dhjetor. Nuk priti humbjen e gjashtë. Ti sot nuk je aspak pjesë e zgjidhjes. Ke mbushur dynjanë sikur grupi ynë parlamentar është dakordësuar që Berisha të largohet. Sikur zëdhënës i grupit të ishe, me këtë gënjeshtër që ke thënë, do ishe shkarkuar njëzëri. Mjaft me këto lojëra e marifete! Ka një kohë maturimi për të gjitha. Edhe për burrninë” – shkruan Këlliçi në Facebook.
Discussion about this post