Është lajmëruar më herët se forcat të shtuara të policisë dhe autoblinda kanë rrethuar Partinë Demokratike, Belind Këlliçi i drejtori një thirrje kryeministrit Rama të largojë makinat e policisë nga selia blu. Këlliçi u shpreh se PD nuk ka nevojë të mbrohet me polici, por mjaftojnë dy rojet në hyrje të godinës. Ai tha se ky është një provokim pasi PD është e demokratëve dhe nuk duhet të mbrohet nga askush.
“Kam një mesazh të sinqertë për kryeministrin Edi Rama. Jemi të informuar që rreth selisë së Partisë Demokratike janë furgona policie. Mjaftojnë dy rojet e PD-së për ta mbrojtur selisë. I bëjmë thirrje Ramës t’i lërë këto provokime ultra” – shprehet Këlliçi.
Para pak minutash u raportua se dhjetëra automjete të FNSH-së sëbashku me forca të policisë janë pozicionuar tek selia blu, ku ndodhet edhe kryetari Basha për shkak të trazirave që mund të ndodhin gjatë orëve në vijim. Kreu i PD-së Basha para pak minutash thirri edhe mbledhjen e kryesisë rreth orës 18:00, ndërsa ende nuk dihet se si do të vijoj të jetë situata në selinë blu gjatë mbrëmjes së sotme.
Discussion about this post