Në mbledhjen e Komisionit për Inceneratorët, deputetët e opozitën shfrytëzuan rastin për të marrë në pyetje Ariola Kodrën, administratore e kompanisë “Integrated Energy”, që sot ka në pronësi inceneratorin e Tiranës.
Deputeti Belind Këlliçi e ka pyetur duke nisur nga takimi i kësaj të fundit me Klodian Zoton, Stela Gugalljan dhe Mirel Mërtirin deri te udhëtimet e punonjësve jashtë vendit.
E pyetur nga Këlliçi, nëse ka pasur kontakte të drejtpërdrejta me Mirel Mërtirin e Klodian Zoton, administratorja Kodra i ka mohuar dukë thënë se marrëdhënia e punës është mbajtur përmes punonjësve të shoqërisë.
Diskutimi në mbledhjen e Komisionit:
Këlliçi: Me Mërtirin dhe Zoton s’keni pasur kontakte të drejtpërdrejta?
Kodra: Kontakt aktualisht nuk kam, në këto momente nuk kam.
Këlliçi: Kur jeni takuar me ta?
Kodra: Ju përgjigja kësaj pyetje s’është e nevojshme t’i rikthehemi. S’e kam të memorizuar kohën se kur jam takuar dhe kur kam folur me këta zotërinj.
Këlliçi: Për cilat shërbime janë paguar Gugallja dhe Zoto?
Kodra: Zoto nuk është aksioner i integrated energji BV…
Këlliçi: Kontratat a mund të na i vini në dispozicion?
Përfaqësuesja: Po
Këlliçi: Plani i shpenzimeve për inceneratorin e Tiranës. Për blerje biletash 804 milionë lekë të vjetra?
Kodra: Shifrën e saktë s’e kam parasysh, nuk di t’i referohem asaj shumë që përmendi. Punonjësit kanë bërë udhëtime nëpër shtete të ndryshme për të takuar kontraktorë.
Këlliçi: Kjo shumë 804 milionë lekë është shpenzuar për të kontaktuar kontraktorë të ndryshëm jashtë Shqipërisë, e konfirmoni?
Kodra:: Po janë bërë për të takuar kontraktore. Kanë udhëtuar për takuar kontraktorë që do marrin pjesë për ndërtimin e impianteve. Të gjitha pajisjet e impianteve të trajtimit të mbetjeve, prodhohen jashtë vendit.
Këlliçi: A jeni në dijeni që në 16 muajt e fundit bota ka qenë në një situatë pandemia globale dhe se të gjitha udhëtimet kanë qenë të kufizuara gjatë pandemisë?
Kodra: Unë nuk përcaktova afate udhëtimesh.
Discussion about this post