Kandidati në garë për primaret e Tiranës, Belind Këlliçi e ka cilësuar si një festë demokracie këtë të diel ku demokratët në të gjithë vendin do të mund të votojnë kandidatët që duan t’i përfaqësojnë në zgjedhjet lokale të 14 majit.
Në një prononcim për mediat pas votimit, Këlliçi tha se ka ardhur koha që pushteti lokal t’i kthehet qytetarëve dhe ftoi të gjithë demokratët dhe qytetarët që të bashkohen në betejën e 14 majit.
“Primaret janë një risi jo vetëm për PD por për politikën shqiptare. Sot e keni parë që demokratët kanë marrë fuqi më shumë se kurrë për të zgjedhur kandidatët që duan t’i përfaqësojnë në zgjedhjet lokale Dita e sotme është një festë demokracia, është një fuqizimin i anëtarësisë dhe një proces që demokratizon më shumë Partinë Demokratike. Ju uroj të gjithë kandidatëve në garë suksese, jo vetëm në Tiranë por në të gjithë Shqipërinë dhe të jemi bashkë më 14 maj. Beteja e të gjithë demokratëve dhe shqiptarëve është më 14 maj, ku duhet të votohet kundër një regjimi. Këto 4 vite është humbur çdo kontakt me pushtetin lokal, qytetarët kanë shërbimet më të këqija nga pushteti lokal dhe ka ardhur koha që vëmendja të kthehet te qytetarët. Për mua është një ditë feste dhe uroj të shkoj sa më mirë”, tha Këlliçi.
Discussion about this post