Këmbësorët të rrezikuar, droni i policisë kap “mat” shoferët problematikë (Video)

Policia Rrugore e Tiranës ka vijuar aksionin kundër shoferëve të parregullt.

Me anë të një video të shpërndarë, duket se droni i edukues i Policisë ka kapur ‘mat’ edhe këtë herë shoferët problematikë që rrezikojnë dhe jetën e qytetarëve.

 Në video duket qartë se disa shoferë nuk i respektojnë këmbësorët dhe nuk ndalojnë sipas rregullave në vijat e bardha.

“Një ndër objektivat e Dronit edukues është rritja e sigurisë rrugore nëpërmjet kontrollit të sjelljes së përdoruesve të rrugës, në respektimin e rregullave të qarkullimit rrugor.

Drejtuesit e mjeteve që shfaqen në këtë video nuk respektojnë përparësinë e këmbësorëve në vizat e bardha, shkelje e cila ndëshkohet me masë administrative, sipas nenit 189 të Kodit Rrugor. Ec i sigurtë, respekto rregullat e qarkullimit rrugor”, shkruhet në njoftimin e policisë.