Këmbimi valutor/ Rritet paundi dhe dollari, euro në nivelet më të ulëta

Dollari amerikan është blerë këtë të enjte, 29 Shtator, me 119.7 lekë dhe është shitur me 121.5 lekë sipas kursit të këmbimit, duke vijuar forcimin në raport me euron.

Sakaq monedha evropiane Euro blihet me 116.2 lekë dhe shitet me 116.8 lekë duke shënuar rekordet më të ulëta historike.

Rritje ka pësuar paundi britanik, i cili sot blihet me 128.6 lekë dhe shitet me 131.5 lekë.

Ndërsa franga zvicerane ka mbetur në të njëjtat nivele, ku blihet me 121.8 lekë dhe shitet me 122.9 lekë.

Monedha amerikane ka pësuar një vlerësim të ndjeshëm edhe kundrejt lekut shqiptar.

Zhvlerësimi i euros parashikohet të vijojë për sa kohë do të vijojnë hyrjet masive në Shqipëri të parave informale dhe prurjeve sezonale.