Banorët e “5 Majit” kanë dalë sot në protestë ku kundërshtojnë shembjen e banesave të tyre. Me dokumente që duar ata tregojnë se Bashkia Tiranë e ka devijuar projektin e “Unazës së Madhe” dhe nga 7 shtëpi që prekshin fillimisht në një pikë, tani do të prishen 48 shtëpi.
“Është devijuar projekti në pjesën ku janë shtëpitë. Baza e protestës është devijimi i projektit, s’kemi gjë për të dëmshpërblyer, ministrja tha do zbatohet projekti i 89, ne e kemi parë projektin, ta zbatojnë atë projekt. (Tregon hartën), ky është projekti i vjetër dhe ky i ri, me projektin e ri preken 40 ndërtesa, nga 7 që preken nga i pari pasi pjesa është e pabanuar”, u shpreh një banor.
Sipas tyre, Erion Veliaj ndryshon projektet sipas dëshirës, për t’iu dhënë më shumë hapësirë oligrakëve të ndërtojnë dhe pastrojnë para. Ndërsa shtojnë se ministria përgjegjëse po ecën pa një plan të qartë dhe prandaj refuzon të përballet me banorët dhe të tregojë transparencë mbi projektin. “Në bazë të projektit të parë ne nuk kemi ndërtuar, ata e kanë ndryshuar që të ndërtojnë pallatet oligarkët, ne kemi emra po si kemi konfirmuar. Ministres së Infrastrukturës të marrë specialistët më të mirë, dhe unë jam i gatshëm të zgjedh një studio, moderatorin dhe të përballemi.
Ministrja thotë të mos lëvizim me makinë, po harxhimet për projektin pse nuk bëhen? Do protestojmë para policisë, për të liruar ata që janë arrestuar mbrëmë, mos rrini në shtëpi kur të vi fadroma, protestoni sa nuk është vonë për të gjithë”, u shpreh një banor. Ndërkohë këta banorë thanë se do të zhvendosen të drejtoria e policisë aty ku mbahen 15 të arrestuarit e protestës së djeshme.
Discussion about this post