Slogani i protestës së sotme në Elbasan kundër rritjes së çmimeve dhe situatës ekonomike është: Boll heshtëm.
Të grumbulluar për shkak të pakënaqësisë së kostove të jetesës, qytetarët thanë se kanë dalë në shesh për të protestuar përtej ngjyrimeve politike, duke shtuar se Shqipëria është një vend i varfër.
Njëri prej tyre u shpreh se si komb kemi humbur personalitetin tonë.
“Unë protestoj për të drejtën time për të qenë njeri. Si komb kemi humbur personalitetin tonë, duke pranuar gënjeshtra, mashtrime që na bën kjo qeveri. Kam besim të madh se shumë demokratë që nuk vijnë këtu por te kutia do e tregojnë veten. Të gjithë janë në një hall. Bordi është monopol”- tha një qytetar.
“Protesta është shumë e drejtë, ne përpara jemi si qytetar se sa si përfaqesues i forcave politike, është një kauzë përtej ngjyrimeve politike. Një pjesë e mirë e njerëzve janë në punë. Nuk duhet të mohojmë edhe presionin nga autoritetet që nuk duan ti shohin në shesh. Ky është vetëm fillimi, do të vijojmë. Po paguajmë çmimet më të larta në Evropë ndërkohë jemi më të varfërit”– tha një tjetër.
Discussion about this post