Dega e Partisë Demokratike në Fier konfirmoi pjesëmarrjen në Kuvendin e 11 dhjetorit të thirrur nga ish-kryeministri Sali Berisha.
Deputeti i Fierit dhe ish-kreu degës së PD-së në Fier, Luan Baçi tha para mediave se 640 delegatë të qarkut të Fierit kanë firmosur për të marrë pjesë në Kuvendin e 11 dhjetorit, të thirrur nga ish-kryeministri Sali Berisha.
“Në Kuvendin e 11 dhjetorit, të 640 delegatët duhet të jenë, pasi janë vendosur në kuvendin e 17 korrikut. Kanë mandat 4 vjeçar. Kuvendi është i jashtëzakonshëm, kështu që nuk munden delegatët të caktohen nga statuti i ri. Për ta vërtetuar që numri është 640, unë ftoj mediat të shikojnë listat, ku është caktuar numri 640. Madje janë bërë shtesa të herëpashershme. Kjo listë është zyrtare dhe në fund mund të lexoni 640 delegatë në kuvendin e 17 korrikut 2021”, tha Baçi.
Ndër të tjera, ai sulmoi sekretarin e Partisë Demokratike, Gazment Bardhi se po përpiqet me urdhër të kryetarit Lulzim Basha t’u heqë mandatin delegatëve.
“Edhe njëherë, manovrimi që bën sekretari i përgjithshëm, me urdhër të kryetarit Basha, për t’i hequr të drejtën e votës për të qenë delegatë një pjesë të rëndësishme të Fierit. Kanë qenë ata që kanë mbushur sheshe, protesta. Duke përballuar gazin lotsjellës të Lleshajt. Këta duhet të jenë pjesëtarë në Kuvend. Për të qëndruar strikt e korrekt, ne kemi përgatitur fillimisht mandatet për 358 delegatët e parë. Mes tyre kanë firmosur midis tyre 317. Kjo është dega e Fierit. Forumi rinor kanë firmosur 100% me 17 delegatë që kanë. LDG kanë firmosur 90%. Sot këtu kam përfaqësues të degës Roskovec që do bëjnë me dije emrat. Dega Roskovecit kanë 52 delegatë, mes tyre kanë firmosur 32. Dega Patosit janë firmosur 67. Janë të mandatuar nga zyrat e PD-së”, deklaroi ai.
Më pas, sekretari i degës së Fierit lexoi emrat e delegatëve që do të marrin pjesë në punimet e Kuvendit të 11 dhjetorit.
Discussion about this post