Detaje të reja dalin nga plagosja me armë zjarri e 40-vjeçarit, Aleksandër Curraj në vendin e quajtur “Dollari” mëngjesin e sotëm (18 Dhjetor) në Shkodër.
Mësohet se i plagosuri dhe autori i ngjarjes, Dedë Bici fillimisht janë konfiktuar fizikisht me njëri-tjetrin.
Për t’i ndarë ka hyrë edhe një efektiv policie, por ata janë shprehur se kanë një problem lekësh dhe do e zgjidhnin vetë.
Pas përplasjes fizike Dedë Bici ka nxjerrë pistoletën duke e qëlluar katër herë në drejtim të 40-vjeçarit, i cili iu nënshtrua një ndërhyrje kirurgjikale.
Ndërkohë policia vendore e Shkodrës dyshon se plagosja ka ndodhur për shkak të një borxhi që i plagosuri i ka patur autorit të dyshuar.
Pas ndarjes, autori është larguar me një biçikletë në drejtim të kryqëzimit të ish degës dhe policia po punon për kapjen e tij pasi u identifikua nga kamerat e sigurisë
40-vjeçari Aleksandër Curaj kohët e fundit punonte me policinë private si efektiv security dhe nuk njihej si një person problematik.
Njoftimi i policisë:
Rreth orës 09:00, në vendin e quajtur “Dollari”, është plagosur me armë zjarri shtetasi A. C., 40 vjeç, i cili është dërguar në spital dhe po merr ndimën mjekësore.
Shërbimet e Policisë kanë shkuar menjëherë në vendngjarje dhe po kontrollojnë zonën, për kapjen e autorit.
Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe identifikimin e autorit.
Ndërkohë, janë ngritur pika të shumta kontrolli. Forcat e Sigurisë Kombëtare po vijojnë krehjen e zonës, për kapjen e autorit, i cili dyshohet se është larguar në brendësi të lagjeve të qytetit.
Discussion about this post