Drejtori i Korporatës Elektroenergjiike, Ergys Verdho, tregoi gjatë një interviste televizive se sasia e rezervës hidrike që ndodhet në kaskadë garanton prodhimin e energjisë deri në fund të muajit janar.Sipas tij, tani që po hyjmë në sezonin e dimrit prurjet fillojnë e rriten, kështu dhe shifrat kthehen nga krahu pozitiv.
“Me këto nivele që kemi aktualisht, ne shtyjmë prodhimin e energjisë deri në fund të muajit janar. Në skenarin më të keq, nëse do të vijojmë me këto prurje, pra pa reshje. Por, duke iu referuar të dhënave, mesatarja shumëvjeçare tregon që nëntori parashikohet të ketë mbi 150-200 m3/s, dhjetori 250-300 m3/s dhe kjo do të çonte që Fierza t’i rikthehet niveleve prej 280 metrave në fillim të janarit”, u shpreh Verdho.
Ndër të tjera ai tregoi se KESH ka shitur deri në 11 qershor energji deri sa bëri ekuilibrimin e kuotave në 296. 5 metra. Ndërsa problem ishte fakti që kur kishte prurje të shumta çmimet e bursës luhateshin dhe në atë kohë KESH e ka shitur energjinë më lirë.
