Modelja e famshme dhe një ndër yjet e serialit “Keeping Up With The Kardashians”, Kendall Jenner, është përballur me kritika nga ndjekësit e saj sepse shkoi në dasmën e shoqes më e zbuluar seç duhet.
Modelja 26-vjeçare mori pjesë në dasmën e mikeshës Lauren Perez me disa personazhe të tjerë të famshëm, duke përfshirë Bella Hadid dhe Hailey Bieber.
Jenner kishte veshur një fustan nga Mônot me prerje trekëndore në pjesën e sipërme, duke ekspozuar më shumë se ç’duhet.
Përdoruesit e mediave sociale janë të mendimit se në fakt veshja e saj është e papërshtatshme për një dasmë.
“Unë e dua Kendall. Por a është ajo e dashuruar me dhëndrin apo diçka tjetër?”, shkroi një person në Instagram.
“Ajo duket e mrekullueshme!. Por për dasmë? Jo!!!! Patjetër jooo.”, shkroi një tjetër.
“Është thjesht një mungesë respekti për nusen!”, shkroi një tjetër ndjekës.
Discussion about this post