Kendall Jenner është shprehur se fama që mori “Keeping Up With The Kardashians” e shtyu atë që të merrte seriozisht karrierën si modele.
Modelja ka pranuar se familja e saj e famshme e motrave Kardashian ka qenë shkaku që e ka shtyrë të punojë edhe më shumë për të arritur një sukses në karrierën e saj të modelimit e cila filloi në 2014 në moshën 18 vjeç kur ajo u bë fytyra e “Estee Lauder”. Ajo shtoi se ka bërë gjithçka për të arritur suksesin të cilin e ‘gëzon’ sot.
“Unë mendoj se të gjithë rreth meje, qofshin miq apo familje, e dinë se sa shumë kam punuar dhe vetëm punuar. Bëra gjithçka që duhej të bëja dhe për të arritur në pozicionin ku jam tani si modele. Unë shkova kudo, vrapova në të gjithë qytetin e Neë York-ut dhe në të gjithë Evropën duke u përpjekur të gjeja një vend pune dhe të bëja vetë rrugën time,” tha Jenner.
