Gjatë grumbullimit me Lazion lojtari i Kombëtares shqiptare, Elseid Hysaj është detyruar të vazhdojë traditën e ekipit të kaltër.
Ai prezantua përpara lojtarëve të tjerë me një këngë, pa u menduar shumë gjatë, mbase duke bërë zgjedhjen më të lehtë të mundshme, Hysaj vendosi të këndojë këngën e famshme “Bella Ciao”.
Mesa duket Hysaj nuk ka qenë i informuar se kjo këngë përfaqëson një rrymë politike e cila bie në ndesh me atë të tifozëve lacial.
Ky veprim i shqiptarit ka bërë që ultrasit të shpërthejnë kundër tij, madje disa prej tyre kanë shkuar në orët e vona të natës në hotelin ku është i grumbulluar ekipi i Lazios duke i kërkuar llogari lojtarit për atë këngë.
Kjo ka bërë që të ndërhyrë edhe Igli Tare, i cili i ka shpjeguar tifozëve se nuk bëhet fjalë për qëllime politike. Menjëherë pas kësaj ndodhie aspak të këndshme klubi i Lazios ka fshirë të gjithë video për të qetësuar disi tifozët.
Kjo ishte një nisje e mbrapsht për Hysajn, megjithatë një ditë më pas për të qetësuar edhe trajnerin Sarri i cili është shumë i ndjeshëm në situata të till, tifozët kanë duartrokitur shqiptarin gjatë miqësores që Lazio fitoi me rezultatin e thellë 10-0./Gijotina.com
