Këngëtari i famshëm, në lidhje dashurie me aktoren kanadeze?

Këngëtari i njohur Harry Styles, raportohet se ai po nis një romancë me një yll të Netflix.

Aktorja kanadeze Taylor Russell, 29 vjeçe, ka ndezur thashetheme për romancë me këngëtarin. Të dy thuhet se janë afruar më shumë pasi një burim ka zbuluar për The Sun: “Harry dhe Taylor kanë kaluar shumë kohë së bashku. Ajo është një fanse e madhe e muzikës së tij”.

Dy javë më parë aktorja e “Bones And All” u pa në zonën VIP në koncertin e tij në Vjenë, duke ndezur thashethemet për romancën.

Në fotot e siguruara nga TMZ, ylli shihet e vendosur në një seksion të veçantë tendash VIP në koncert ku ajo u pa duke kërcyer gjatë gjithë natës me këngët e suksesshme të ish-këngëtarit të “One Direction”.

Sipas medias, Russell u pa në Vjenë para koncertit, e veshur me të njëjtin fustan të bardhë, ndërsa qëndronte pranë një burri që dukej se ndoshta ishte Styles.

Muajin e kaluar, këngëtari dhe aktorja u panë së bashku për herë të parë teksa dilnin nga një muze në Londër, dhe në një moment thuhet se u mbajtën për dore, sipas TMZ.

Yjet, megjithatë, ende nuk kanë komentuar publikisht për thashethemet e romancës.