Këngëtari i njohur Sinan Vllasaliu është padyshim një prej artistëve më të suksesshëm shqiptar. Së fundmi, këngëtari në një intervistë për emisionin “Glamour Zone” ka folur për karrierën dhe jetën personale.
Vllasaliu ndër tjera ka komentuar edhe artistët dhe reperët e rinj për tekstet dhe vokalin, ndërsa reagimi i tij ishte befasues ku nuk munguan kritikat drejt tyre.
Këngëtari u pyet për këngët e Don Xhonit me Loredanën, Mozzik dhe Butrint Imerin, për të cilat përveç komenteve negative ai gjithashtu reagoi me mimikën që tregonin që nuk i pëlqejnë muzika që ata bëjnë.
“Japonezët me ia rregullu tingullin, teknikisht nuk më pëlqen, duhet të këndosh ashtu si flet, ta shkrish fjalën”, ishte komenti i Sinanit kur dëgjoi bashkëpunimin e Don Xhonit me Loredanën “Gjuj për to”.
Ndërkohë, në komentin e tij për këngën “Shko” të Mozzik ai e quajti si “turpi i botës”.
“A është normal ky, çka i duket mirë, çka janë këto fjalë, ky është turpi i botës, nëse e merr gjuhën e rrugës të bësh karrierën kjo është zero, nuk kam koment”, u shpreh Vllasaliu.
Discussion about this post