Këngëtari Labinot Tahiri ka thënë se ka për synim që të kandidojë për President. Në një intervistë për ATV, Labinot Tahiri, i cili më parë ka qënë deputet në Kuvendin e Kosovës nga radhët e Aleancës Kosova e Re, ka thënë se po pret ditën që do të garojë për postin e Presidentit në Kosovë.
“Shpresoj se do të vijë ajo ditë, edhe do të ndodhë! Sepse kjo është dëshmuar me qëllimet e mija të mira. Unë i kam shërbyer vendit me kontribut human. Në punën që e bëj nuk i ndal angazhimet për t’i ndihmuar njerëzve. Duhet të punojmë për qytetarët si familjen tonë. Shumë gjëra ndodhin të padrejta që qytetarët nuk i shikojnë. Ky vend ka nevojë për motiv politik. Qeveritë tona punojnë me inati. Unë i kam parë gjërat, ndryshe flitet e ndryshe janë”, ka deklaruar Tahiri.
Kur është pyetur për Kryeministrin Kurti, Tahiri tha se ai i ka lënë përshtypje të mirë, pasi nuk është i korruptuar.
“Albin Kurti më lë përshtypje se nuk është i korruptuar por nuk e di se çfarë ka pas vetës,” tha Tahiri.
