Këngëtarja e njohur kujton Nexhmije Hoxhën, i bën dedikimin e veçantë

Këngëtarja e njohur Rezarta Shkurta ka kujtuar gjyshen e bashkëshortit të saj, Nexhmije Hoxhën teksa ka ripostuar një video që e ka publikuar më 26 Shkurt 2020, ditën e vdekjes së gruas së ish-diktatorit Enver Hoxha.

Rezarta është shprehur se e ka njohur si një gjyshe e jo si politikane dhe kjo është e vetmja shëmbëlltyrë e saj që mban mend.

Teksa duket tepër nostalgjike, këngëtarja tregon se Nexhmija rrinte gjithmonë duke shkruajtur.

“Tek po bëja scroll postimeve, më doli para kjo video dhe ndjeva mallëngjim. Në fëmijërinë time, gjyshërit nga babi nuk arrita t’i njoh. Gjyshen nga mami e humba kur isha e vogël. Ti ishe e vetmja shëmbëlltyrë e gjyshes për mua.

Unë nuk e njoh politikën, e nuk dua ta njoh. Unë të njoha ty si një gjyshe të mençur, që të gjeja duke  shkruar, dhe të lija sërish me penë në dorë”, ka shkruar Shkurta përmbi video.