Së fundmi, mesa duket gjërat mes dy ish-banoreve të “Big Brother Vip”, Arjola Demirit dhe Filloreta Raçit pas daljes nga shtëpia më e famshme nuk janë mirë. Të paktën këtë gjë ka lënë të nënkuptohet këngëtarja kosovare në një deklaratë që bëri buj nëpër media roze e rrjete sociale. Fifi është shprehur se në ditëlindjen e aktores Monika Lubonja kishte persona të padëshiruar.
Ajo përmendi emrin e aktores, Arjola Demirit, me të cilën ishte pjesë e shtëpisë së famshme, e madje këngëtarja ka thënë se aktorja i kishte bërë edhe bllok në rrjetin social Instagram.
Pas kësaj deklarate, Arjola ka vendosur të reagoj ditën e sotme përmes një shkrimi në rrjetin social Instagram, ku është shprehur se lajkatarët duken si shok por nuk është ashtu siç duket sipas saj.
”Lajkatarët duken si shokë, ashtu siç duken ujqërit si qentë. Kurrë mos e nënvlerëso fuqinë e një gruaje Alfa”.
Mesa duket, dy ish-konkurrentet nuk i kanë sheshuar hatërmbetjet, që pas daljes së Fifit nga spektakli. Ajo e akuzoi Arjolën se nuk e kishte mbështetur, pavarësisht se aktorja qau kur Fifi doli nga shtëpia.
Discussion about this post