Moti i fundjavës nuk do të jetë në favorin tuaj për të shijuar gjithçka që keni planifikuar. Sipas Shërbimit Meteorologjik Ushtarak, dita e shtunë pritet të jetë nën ndikim të kushteve atmosferike të paqëndrueshme. Moti parashikohet me alternime kthjellimesh dhe vranësira hera-herës deri të dendura.
Përgjatë vijës bregdetare reshje shiut të herëpashershme me intensitet të ulët, në orë e pasdites reshjet e shiut do të shtrihen edhe në pjesën jugore të vendit me intensitet të ulët të karakterit lokal.
Dita e diel do të jetë nën ndikim të kushteve atmosferike të qëndrueshme të cilat do të sjellin mot me alternime kthjellimesh dhe vranësira. Era pritet të jetë nga veriperëndimi-jugperëndimi me shpejtësi mesatare 1-6m/sek, e hera-herës fiton shpejtësi deri në 12m/sek.
Discussion about this post