“Keni prova të tjera për të dorëzuar”, debati Sefa-Celibashi në KQZ

Debate në seancën e sotme në KQZ mes kryekomisionerit Ilirjan Celibashi dhe përfaqësuesit të grupit Alibeaj lidhur me regjistrimin e PD në zgjedhje.

Idrit Sefa kërkon regjistrimin e grupit Alibeaj si PD në zgjedhje.

Sipas Celibashit ndërkohë, ka mungesë dokumentacioni.

Celibashi po ashtu, deri më tanii ka refuzuar të regjistrojë edhe grupin tjetër të drejtuar nga Berisha.

Pjesë nga debati

Indrit Sefa: Do kërkoja shkurtimisht mendimin tuaj mbi kërkesën, pastaj të mbajmë një qëndrim mbi mendimin tuaj dhe pastaj të keni të drejtë të vendosni.

Ilirjan Celibashi: Opinioni im është mbi vendmarrjen time. Pastaj ju keni të gjithë të drejtën ligjore që ta kundërshtoni.

Indrit Sefa:  Patjetër, është një e drejtë që na e jep ligji

Ilirjan Celibashi: Qëndrimi im është i gjithë bazuar në vendimmarjen time. Ndaj pyetja ime është: Keni prova, keni argumente të tjera për të paraqitur për regjistrimin e PD-së në zgjedhje? Nëse nuk keni e mbyllim këtu.

Indrit Sefa: Nuk ka asnjë dokument tjetër, provat të gjitha janë dorëzuar. Të gjitha janë të plota e në zbatim të ligjit. Janë gjithashtu dhe dy shkresa të protokolluara pranë KQZ-së. PD nuk ka ndërmend të sjellë asnjë provë nga ato që kërkoni ju si komisioner, por vec ato që kemi paraqitur.

Ilirjan Celibashi: Pra, ndaj duhet të regjistrohet me dokumentat që keni sjellë

Indrit Sefa: Po

Ilirjan Celibashi: Faleminderit.