Prej disa javësh në vendin tonë po qarkullon një virozë që shkakton temperaturë të lartë deri në 40 gradë, sidomos tek fëmijët. Por, mjekët e familjes qetësojnë duke thënë se nuk ka të bëjë me Covid. Sipas tyre në këtë rast temperatura kthehet në normalitet pas 3 apo 4 ditësh, ndërsa nga Koronavirusi zgjat më shumë.
“Po qarkullon një virozë në fakt që e shohim në vizitat akute me një temperaturë të lartë që shkon deri në 39-40 gradë celcius që i bën njerëzit me shumë panik për një gjendje covidi por në fakt është një virozë dhe gjithashtu shoqërohet me djersitje profuze por ne fund te tre-katër ditëve ndodh që të kalojë dhe në formë të bronkitit viral shumë shpesh. Nuk mund të përjashtojmë dhe raste e COVID. Kanë shkuar mirë në raste e vaksinuara dhe kanë shkuar pak jo më mirë në rastet e pavaksinuara”, u shpreh mjekja.
Gjatë dy javëve të fundit janë paraqitur me temperaturë të lartë më së shumti moshat e reja nga 18-30 vjeç. Nga ana tjetër procesi i vaksnimit pranë qendrave shëndetësore ka vijuar me interes të lartë nga moshat e reja, të cilët pas aplikimit me dy apo tre doza pajisen me certifikatën e vaksinimit.
Discussion about this post